A Marino Gavarin, personaggio noto nell'ambiente, almeno per quelli meno giovani, è stato chiesto di far parte della congrega dei "corrispondenti" del nostro sito. Ha accettato ed ecco un simpatico racconto dove ognuno di noi può ritrovarsi in toto o in parte. Buona lettura e...se volete raccontare una vostra storia inoltratecela pure.
Domenega matina .
Sinque e sinquantanove .
L'istinto de l'omo sposà me salva anca ancuo e me dismissia UN MINUTO prima che la sveglia sul comodin taca a trapanar i maroni e ghe daga la possibilità a la tigre de rompar le bae co la solita solfa de " 'sti insemenìi che a la so età i continua a alsarse co xe ancora note par andar a ciaparse una ingrumada de fredo e magari anca una malora insieme co 'na trupa de ebeti compagni de lori che no capisso chi che ghe lo fassa far ... " .
Sposto Camilla che ga passà la note impiantada su el me fianco ( par impossibile che un yorkshire da poco più de do chili co el dorme SU DE TI el pesa come un sanbernardo ! E la ronchisa , anca ! Caro el mio ammmore !
Guadagno el bagno al scuro , impisso la luce e me ciapo un scorlon ; me so visto in specio sorapensier ...
Ben o mal tacono sù la colassion e un'ora dopo ( specialmente a la matina i me tempi i xe mooolto longhi , dirìa da bradipo, credo ansi de somegiarghe un poco a quela creatura, e questo spiega el scorlon nel bagno ... ) so in machina co el borson sagiamente preparà la sera prima: se ti lo fa a la matina al scuro e imbaucà dal sono te risci, se la te va ben, de trovarte co do calseti difarenti e se la te va mal sensa el slip de ricambio , co el risultato che te torni a casa sensa mudande co la zip dei jeans che te pissega i peli ( se no la te sassina qualcossa de più pressioso ... ) .
Rivo sul posto de la gara mesa ora prima de la partensa , se no te trovi da parchegiar a un km de distansa come che capita ogni ano a Monteforte d'Alpone e mentre so ancora do km fora dal paese incrocio zà quei che xe partìi prima .
Ne la zona de partenza caccia a le machine de i grupi podistici par rancurar i dépliants ( ma parcossa no i ciamemo volantini ? ) de le corse de le prossime domeneghe e riserca del grupo par ritirar el biglieto . Me vardo in giro e individuo le varie apartenense a le estrassioni sociali podistiche : i amatori co le so scarpete Superga e la felpa che " tira " su l'angurieta conquistada co dure lote co le pastasute e el goto i se ciama de lontan , " xe 'na vita che no te se vede " , " che fine ti ga fato " , " ti ga sentìo de Toni , Bepi , Nane " ... ; i para- agonisti ( queli da 3h 30' su la maratona ) i xe zà un fià più scarmi e i scominsia a aver scarpete e completini più tecnici , e i se studia sensa dar ne l'ocio .
El tono dei discorsi cambia : " geri l'altro me so fato vinti volte el minuto " , " go fato 'na fadiga boia a tegner i 4 " ( i dise proprio cussì : " i 4 " , che uno che no xe del giro ghe vien el sangioto a pensar chi casso xe quei 4 che el doveva impedirghe da movarse ) .
Poi su un canton LORI : i agonisti ! par no far nomi Manente , Schiavo , Irrera , Bernardoni , Calzavara ... I xe là bei ciuciài ne i so bodies sgargianti che par che i cora anca quando che i sta fermi . E i dialoghi ? Altro genere ancora : par impossibile ma tuti i fa la più spudorata pretatica che se possa sentir ; aho , no se sà come che la xe ma tuti sceglie el sabo sera par sfondrarse el bueo co magnari pesantissimi e bevue adeguate che a la matina de la gara i xe tuti pieni come butti . Par no parlar de i problemi osteoarticolari infiamatori muscolari e chi più ghe ne vien in mente più ghe ne meta : la xe 'na gara de sindromi de la bandeleta tibiale , del tendine rotuleo - femorale , dei ischio-crurali , de neuromi de Morton , el più poareto ghe fa mal el siatico . Me sò sbaglià , sò finìo al Fatebenefratelli .
BANG !
El rumor del sparo el xe ancora drio gironsolar par la piassa e i reliti i se fionda via come balini de s- ciopo : l'efeto taumaturgico del colpo de pistola el ghe fa far a l'acua de Lourdes 'na figura da pelegrini ...
Tuti se metemo in moto e mi che so omo da retrovia in do minuti i me ga passà tuti : aho , nel mio campo visivo no ghe xe altro che culi !
Dopo do km. so praticamente solo ; l'ultimo culo xe drio dissolverse in lontanansa e scominsio la me corseta solitaria tuto impegnà a no perdar de vista i segnai del percorso sperando che qualche mona no gabia girà un frecia a l'incontrario ...
Al 5° km. grassie a le disposission de mama FIDAL ghe xe el ristoro ; alleluia ! .
Me fermo e ( me vien da ridar ) destùo el cronometro / cardiofrequenzimetro .
Diobenedeto , Marino , ti va a 8' / km. e ti te perdi via a controlar i tempi parsiali ogni km. e al ristoro te stoppi el crono par paura de segnar valori che te sfalsa la media ? Ma va dar via i ciapp !
Quatro ciacole co i adeti , do bicèri de acua o de tè caldo e via ! verso nuove aventure .
Dopo un fià inissio a rancurarme quei che gera partìi in anticipo e me sento Bolt .
Do vecete che xe drìo andar a Messa le ne ciama " da dove vegnìo tosati ? " , " dove sio drìo andare ? ", " Marìa Santa ! " , " ma no gavì fredo ? " . E te vedi che drento i oci ghe brila 'na luceta de comiserassion par 'sti quatro mati .
E cussì dopo un'oreta e mesa arivo a l'arivo ( 11 km. ) .
Xe drio rivar quei de la mesa ; una volta me ricordo che nel padovan su na gara del genere go fato la volata co Manente ( gavevo vinti metri de vantagio e ghe ne mancava diese al traguardo ) e lo go fato nero .
Torno casa , e so zà che me speta la cagnara ; la francia ga preparà la carbonara e le fetine a la valdostana ma mi no go fame .
A ela no ghe intaressa che i ga fato studi serissimi che i ga dimostrà che xe colpa de le endorfine e qualche altra diavoleria che butemo fora co coremo se nel dopogara ( oddio , gara ... ) el stimolo de l'apetito xe latitante .
La sa solo che la se ga fato el masso tuta la matina fin che mi gero in giro a divertirme e adesso no la ga gnanca la sodisfassion de vedar che magno .
Par salvar la pace familiare finisse che me incocono come un oco par le feste de Nadal .
Fine de la giornata atletica .Vado a butarme un fià parchè no me sento proprio giusto ... e pò che i vegna a dirme che la corsa fa ben !
Sinque e sinquantanove .
L'istinto de l'omo sposà me salva anca ancuo e me dismissia UN MINUTO prima che la sveglia sul comodin taca a trapanar i maroni e ghe daga la possibilità a la tigre de rompar le bae co la solita solfa de " 'sti insemenìi che a la so età i continua a alsarse co xe ancora note par andar a ciaparse una ingrumada de fredo e magari anca una malora insieme co 'na trupa de ebeti compagni de lori che no capisso chi che ghe lo fassa far ... " .
Sposto Camilla che ga passà la note impiantada su el me fianco ( par impossibile che un yorkshire da poco più de do chili co el dorme SU DE TI el pesa come un sanbernardo ! E la ronchisa , anca ! Caro el mio ammmore !
Guadagno el bagno al scuro , impisso la luce e me ciapo un scorlon ; me so visto in specio sorapensier ...
Ben o mal tacono sù la colassion e un'ora dopo ( specialmente a la matina i me tempi i xe mooolto longhi , dirìa da bradipo, credo ansi de somegiarghe un poco a quela creatura, e questo spiega el scorlon nel bagno ... ) so in machina co el borson sagiamente preparà la sera prima: se ti lo fa a la matina al scuro e imbaucà dal sono te risci, se la te va ben, de trovarte co do calseti difarenti e se la te va mal sensa el slip de ricambio , co el risultato che te torni a casa sensa mudande co la zip dei jeans che te pissega i peli ( se no la te sassina qualcossa de più pressioso ... ) .
Rivo sul posto de la gara mesa ora prima de la partensa , se no te trovi da parchegiar a un km de distansa come che capita ogni ano a Monteforte d'Alpone e mentre so ancora do km fora dal paese incrocio zà quei che xe partìi prima .
Ne la zona de partenza caccia a le machine de i grupi podistici par rancurar i dépliants ( ma parcossa no i ciamemo volantini ? ) de le corse de le prossime domeneghe e riserca del grupo par ritirar el biglieto . Me vardo in giro e individuo le varie apartenense a le estrassioni sociali podistiche : i amatori co le so scarpete Superga e la felpa che " tira " su l'angurieta conquistada co dure lote co le pastasute e el goto i se ciama de lontan , " xe 'na vita che no te se vede " , " che fine ti ga fato " , " ti ga sentìo de Toni , Bepi , Nane " ... ; i para- agonisti ( queli da 3h 30' su la maratona ) i xe zà un fià più scarmi e i scominsia a aver scarpete e completini più tecnici , e i se studia sensa dar ne l'ocio .
El tono dei discorsi cambia : " geri l'altro me so fato vinti volte el minuto " , " go fato 'na fadiga boia a tegner i 4 " ( i dise proprio cussì : " i 4 " , che uno che no xe del giro ghe vien el sangioto a pensar chi casso xe quei 4 che el doveva impedirghe da movarse ) .
Poi su un canton LORI : i agonisti ! par no far nomi Manente , Schiavo , Irrera , Bernardoni , Calzavara ... I xe là bei ciuciài ne i so bodies sgargianti che par che i cora anca quando che i sta fermi . E i dialoghi ? Altro genere ancora : par impossibile ma tuti i fa la più spudorata pretatica che se possa sentir ; aho , no se sà come che la xe ma tuti sceglie el sabo sera par sfondrarse el bueo co magnari pesantissimi e bevue adeguate che a la matina de la gara i xe tuti pieni come butti . Par no parlar de i problemi osteoarticolari infiamatori muscolari e chi più ghe ne vien in mente più ghe ne meta : la xe 'na gara de sindromi de la bandeleta tibiale , del tendine rotuleo - femorale , dei ischio-crurali , de neuromi de Morton , el più poareto ghe fa mal el siatico . Me sò sbaglià , sò finìo al Fatebenefratelli .
BANG !
El rumor del sparo el xe ancora drio gironsolar par la piassa e i reliti i se fionda via come balini de s- ciopo : l'efeto taumaturgico del colpo de pistola el ghe fa far a l'acua de Lourdes 'na figura da pelegrini ...
Tuti se metemo in moto e mi che so omo da retrovia in do minuti i me ga passà tuti : aho , nel mio campo visivo no ghe xe altro che culi !
Dopo do km. so praticamente solo ; l'ultimo culo xe drio dissolverse in lontanansa e scominsio la me corseta solitaria tuto impegnà a no perdar de vista i segnai del percorso sperando che qualche mona no gabia girà un frecia a l'incontrario ...
Al 5° km. grassie a le disposission de mama FIDAL ghe xe el ristoro ; alleluia ! .
Me fermo e ( me vien da ridar ) destùo el cronometro / cardiofrequenzimetro .
Diobenedeto , Marino , ti va a 8' / km. e ti te perdi via a controlar i tempi parsiali ogni km. e al ristoro te stoppi el crono par paura de segnar valori che te sfalsa la media ? Ma va dar via i ciapp !
Quatro ciacole co i adeti , do bicèri de acua o de tè caldo e via ! verso nuove aventure .
Dopo un fià inissio a rancurarme quei che gera partìi in anticipo e me sento Bolt .
Do vecete che xe drìo andar a Messa le ne ciama " da dove vegnìo tosati ? " , " dove sio drìo andare ? ", " Marìa Santa ! " , " ma no gavì fredo ? " . E te vedi che drento i oci ghe brila 'na luceta de comiserassion par 'sti quatro mati .
E cussì dopo un'oreta e mesa arivo a l'arivo ( 11 km. ) .
Xe drio rivar quei de la mesa ; una volta me ricordo che nel padovan su na gara del genere go fato la volata co Manente ( gavevo vinti metri de vantagio e ghe ne mancava diese al traguardo ) e lo go fato nero .
Torno casa , e so zà che me speta la cagnara ; la francia ga preparà la carbonara e le fetine a la valdostana ma mi no go fame .
A ela no ghe intaressa che i ga fato studi serissimi che i ga dimostrà che xe colpa de le endorfine e qualche altra diavoleria che butemo fora co coremo se nel dopogara ( oddio , gara ... ) el stimolo de l'apetito xe latitante .
La sa solo che la se ga fato el masso tuta la matina fin che mi gero in giro a divertirme e adesso no la ga gnanca la sodisfassion de vedar che magno .
Par salvar la pace familiare finisse che me incocono come un oco par le feste de Nadal .
Fine de la giornata atletica .Vado a butarme un fià parchè no me sento proprio giusto ... e pò che i vegna a dirme che la corsa fa ben !
vai Marino, troppo fort!!!
RispondiEliminaRosa